Жаңалықтар

2019 жылдың 14-қараша күні «Ұлттық валюта-Теңге» күніне орай университет Мәжіліс залында Kassa Nova Bank АҚ ШФ басшылығы және банк мамандарымен Басқару және Бизнес жоғары мектебінің бітіруші курс студенттері арасында кездесу болып өтті. Кездесуге жоғары мектепте білім алатын, Қаржы, Экономика, Менеджмент, Маркетинг, Есеп және аудит мамандықтарының 4 курс студенттері қатысты. «Ұлттық валюта-Теңге» күніне және Kassa Nova Bank АҚ жайында баяндамалар жасалып, кездесу соңында бітіруші курс студенттерінен сауалнама алынды. Кездесудің және бір мақсаты бұл, қаламыздағы алдыңғы қатарлы ЖОО-ның бітіруші курс студенттерін тағылымдамадан өтуге шақыру  және жұмыспен қамту болып табылатын. Банк қызметкерлер алдағы уақытта жоғары мектеппен тығыз байланыста жұмыс жасап отыруға және ЖМ бітіруші курс студенттерін өздеріне практикаға, тағылымдамадан өтуге шақырды.