Жаңалықтар
Қазақстан халқы Ассамблеясының (ҚХА) іс-шаралары
- Жансая Тулешова +77715660257
- Санат (kk-kz)
- Қаралды: 3
«Маркетинг» білім беру бағдарламасының 2-курс студенті Ан Милана, 2025 жылдың сәуір айында өткен Қазақстан халқы Ассамблеясының (ҚХА) іс-шараларына белсенді қатысты.
22 сәуір күні Шымкент қаласы әкімдігінде өткен ҚХА-ның кеңейтілген отырысында Миланаға Шымкент қаласының әкімі Ғабит Сыздықбеков салтанатты түрде ҚХА мүшесінің куәлігін табыстады. Отырыста сондай-ақ қала әкімінің орынбасары Сәрсен Құранбек те қатысты.
23 сәуір күні Астанада Президенттік орталықта Милана Шымкент қаласының жастар атынан Қазақстан халқы Ассамблеясының XXXIV сессиясы аясында өткен ҚХА-ның III Республикалық жастар сессиясында сөз сөйледі. Жастар сессиясы Қазақстан халқы Ассамблеясының 30 жылдығына арналды және осы жылдар ішінде жүзеге асырылған жастар жобаларының жетістіктерін көрсетуге бағытталды.
Бұдан бөлек, 24 сәуір күні Астанадағы Тәуелсіздік сарайында Милана Қазақстан Республикасы Президенті Қасым-Жомарт Тоқаевтың төрағалығымен өткен ҚХА-ның XXXIV сессиясына қатысты. Бұл қатысу оның қоғамдық қызметіндегі маңызды кезеңге айналып, жаңа идеялар мен шабыттың, сондай-ақ жастар бастамаларын одан әрі дамыту мүмкіндіктерінің көзі болды.
